Rob veg tot die einde toe, maar tevergeefs

Jeffrey Kruger.

Hoërskool Rob Ferreira en Penryn College se junior krieketspanne het mekaar verlede week in die tweede wedstryd van die seisoen op laasgenoemde se veld die stryd aangesê.

Rob Ferreira het erg kleigetrap en is na slegs 63 lopies uigeboul. Penryn het hierdie telling vinning geëwenaar en in die proses slegs twee paaltjies verloor. Hulle het dus hierdie T20-kragmeting met agt paaltjies gewen.

Rob Ferreira se afrigter, Chris Louw sê, nieteenstaande die talle plaasvervangers wat vir siek spelers moes intree, Rob tot die einde toe goed teruggeveg het.

Louis de Kok het goed voor die paaltjies gelyk en het 17 lopies aangeteken. Christo Lewis was suksesvol as bouler en het minder as 10 lopies in sy beurte afgestaan.

“Daar is ruimte vir verbetering en hierdie jong span oefen kliphard saam met die afrigters om met elke T20-wedstryd te verbeter,” sê hy.

  AUTHOR
Stefan de Villiers

Latest News

COMMENTS

Top
Next Story x
Wingrave kritiek na ‘n tweede aanval